ഇളം കരിക്കിന്റെ കുളിരനുപമം,
ഇളനീരതിന്റെ മധുരമുന്മേഷം,
നാളികേരം, അമൃതമാണെന്റെ,
കേരള നാടിതു ദേവരാജ്യവും! - ഇന്ദു -

Tuesday, March 13, 2007

നാളികേരത്തിന്റെ ഇന്നത്തെ അവസ്ഥ

കാര്‍ഷിക സര്‍വകലാശാലയുടെ നാട്ടില്‍ ആയിരക്കണക്കിനു തെങ്ങുകള്‍ നശിക്കുന്നു. തൃശ്ശൂര്‍ ജില്ലയിലെ അന്തിക്കാട്, താന്ന്യം, ചാഴൂര്‍ പഞ്ചായത്തുകളില്‍ കുമിള്‍രോഗം പടര്‍ന്നുപിടിക്കുകയാണ്. കടദ്രവിക്കുകയും തടി ശോഷിക്കുകയും ഓലകള്‍ കുറയുകയും ചെറുതാവുകയും ചെയ്യുകയെന്നതാണ് രോഗലക്ഷണം. കുണ്ടോളിക്കടവ്, പാറളം, കോടന്നൂര്‍ ഭാഗങ്ങളില്‍ ആയിരക്കണക്കിനു തെങ്ങുകള്‍ മുമ്പേ നശിച്ചിട്ടുണ്ട്. മഞ്ഞളിപ്പ്, പട്ടകരിയല്‍, കൂമ്പുചീയല്‍ മുതലായ കേടുകള്‍ തീരദേശങ്ങളിലാകെ ബാധിച്ചിട്ടുണ്ട്. ആകെ ഉണങ്ങിയ തെങ്ങുകളും കുറവല്ല. വേനല്‍ ശക്തിപ്പെടുംതോറും രോഗാവസ്ഥയും വളരുകയാണ്. കര്‍ഷകര്‍ പരിഭ്രാന്തരാണ്. ഇന്നത്തെ നില തുടര്‍ന്നാല്‍ ജില്ലയുടെ മിക്കഭാഗങ്ങളിലും തെങ്ങുകള്‍ക്കാകെ രോഗം ബാധിക്കുമെന്ന് അവര്‍ ഭയപ്പെടുന്നു. തികച്ചും ഒരുപകര്‍ച്ചവ്യാധിയുടെ മട്ടിലാണ് രോഗം പടര്‍ന്നുപിടിക്കുന്നത്.
കടപ്പാട്‌ : മാതൃഭൂമി എഡിറ്റോറിയല്‍ 13-3-07

No comments:

Post a Comment